Uzbekistan Cycling Federation

 

            

                                     

 

 

3 июнь – Бутунжаҳон велосипед куни!


03.06.2020

2018 йил апрель. БМТ навбатдаги Бош Ассамблеясида бир қатор масалаларни кўриб чиқар экан, инсон саломатлигини яхшилаш, дунё аҳолисининг жисмоний фаоллигини ошириш мақсадида қатор лойиҳалар устида изланиб, улар орасида энг мақбули – велосипед тарғиботини маъқуллади. Шунда 3 июнь – Бутунжаҳон велосипед куни деб эълон қилинди ва бутун дунё бўйлаб бу сана катта байрам сифатида нишонлаб келинмоқда.

Дарҳақиқат, жаҳоннинг кўплаб мамлакатида муҳим транспорт воситасига айланиб улгурган велосипед инсон саломатлиги ва атроф-муҳит учун ҳам беқиёс фойдалидир. Ундан спорт мақсадида шуғулланиш эса мисли кўрилмаган даражада самарали. Велоспорт билан мунтазам шуғулланадиган инсонларда ҳозирда кўп учрайдиган юрак-қон томир тизими ва қандли диабет касалликлари деярли учрамайди. Қисқача қилиб айтганда, бу транспорт узоқ умр кўриш гарови, десак муболаға бўлмайди.

Ўз навбатида Ўзбекистонда ҳам велоспорт истиқболи йилдан йилга юқори босқичга чиқиб бормоқда. Буни 2019 йил Тошкентда Олимпия ўйинларига йўлланма берувчи велошоссе бўйича Осиё чемпионатининг ўтказилгани, 2 нафар спортчимиз Муроджон Холмуродов ва Ольга Забелинская Токио Олимпиадасига йўлланма олгани каби мисоллар билан ифодалаш айни муддао. Ўзбекистонда ушбу спорт турининг порлоқ келажагини кўриш мумкин. Зеро, ҳукуматимиз, шунингдек, Ўзбекистон велосипед спорти федерацияси раиси Танзила Норбоева бошчилигида каттадан катта дастурлар амалга оширилмоқда.

Юртимизда шу пайтгача велоспортнинг шоссе ва трек йўналиши ривожланган бўлса, эндиликда Олимпия ўйинлари дастурига киритилган янги йўналиш бўйича ҳам пойдевор қўйилди. Куни кеча Жиззах вилоятида велоспортнинг ВМХ йўналиши бўйича янги трассанинг қурилиш ишлари бошланди. Бу эса келгусида мазкур йўналишда ҳам номдор спортчиларга эга бўлиш, Ўзбекистонда янада катта мусобақаларни қабул қилиш имкониятини тақдим қилади. Қолаверса, келгуси йилдан ҳам аёллар, ҳам эркаклар ўртасида профессионал жамоалар ташкил қилиш каби истиқболли режалар ишлаб чиқилган бўлиб, давлатимизнинг қўллаб-қувватлаши асосида буларнинг барчасини биргаликда уддалаймиз.

Фурсатдан фойдаланиб, бугунги Бутунжаҳон велосипед куни билан барча велоспортчилар ва ушбу спорт мухлисларини муборакбод этиб қоламиз.



< Вернуться к списку новостей









Uzbekistan Cycling Federation

Наш адрес:
100 035, Ташкент,Чиланзарский район, проспект Бунедкор 47

Tel/Fax:
(+998 71) 231-27-06, (+998 71) 231-27-05


Присоединяйтесь к нам:

FACEBOOK
TWITTER
INSTAGRAM
    О ФЕДЕРАЦИИ
- О федерации
- Задачи и Цели
- Руководство
- Региональные Федерации
- Партнёры

ТРЕК / ШОССЕ
- Сборная
- Календарь
- Результаты соревнований
- Континентальный велоспортивный клуб "Tashkent"

НОВОСТИ


Яндекс.Метрика
  ВЕЛОСПОРТ ДЛЯ ВСЕХ
- Советы для начинающих
- Обучающее видео
- Спортивные школы

ОФИЦИАЛЬНЫЕ ДОКУМЕНТЫ
- Положения и Постановления
- Антидопинг
- Правила велоспорта

ГАЛЕРЕЯ
- Фото
- Видео

КОНТАКТЫ




© 2013 — 2020. UZBEKISTAN CYCLING FEDERATION. Все права защищены.