Uzbekistan Cycling Federation

 

            

                                     

 

 

Осиё велоспорт конфедерацияси Президенти иштирокида "Tashkent – bike city" велосайли такшил этилди


15.06.2021

Айни кунларда мамлакатимизда бўлиб турган Осиё велоспорт конфедерацияси (АСС) Президенти Осама Аҳмад Ал-Шаффар бугун эрта тонгдан пойтахтимиз кўчалари бўйлаб велосайрга чиқди. Туризм ва спорт вазири Азиз Абдуҳакимов, Ўзбекистон велосипед спорти федерацияси бош котиби Козим Ўринбойхўжаев, Халқ таълими вазири Шерзод Шерматов меҳмонга ҳамроҳлик қилди. Шунингдек, велоспортчилар, маданият ва санъат вакиллари, оммавий ахборот воситалари ходимлари ҳам тонгги велосайрда иштирок этди.

– Эрта тонгдан салқин ҳавода мусаффо осмон остида сайрга чиқиш, айниқса велосипедда учишнинг ўзгача завқи, гашти бор, – дейди Азиз Абдуҳакимов. – Кунни мана шундай спорт машғулотлари билан бошлаш ҳам организмни, ҳам руҳиятни тетиклаштиради. Гўзал диёримизда бунинг учун етарли шарт-шароитлар бор. Спорт орқали соғлом турмуш тарзини яратиш мумкинлигини аҳоли орасида янада кенг тарғиб қилишимиз керак. Келгусида велосипед спортини энг оммавий спорт турларидан бирига айлантирамиз. Осиё велоспорт конфедерацияси (АСС) Президенти Осама Аҳмад Ал-Шаффар ҳам келгусида велосипед спорти бўйича миллий терма жамоамизнинг халқаро мусобақаларга тайёргарлик кўриши учун ҳамкорликни давом эттириш ҳамда мамлакатимизда велоспортни ривожлантиришда қўллаб-қувватлашини билдирди.

– Ўзбекистонда бўлиш мен учун шараф. Ўзбекистон менинг иккинчи уйимдек, – дейди Осама Аҳмад Ал-Шаффар. – Ўзбекистон велосипед спорти федерациясига ҳамкорлик учун миннатдорлигимни билдираман. Бизнинг бу галги учрашувларимиз алоқаларни янада мустаҳкамлашга хизмат қилади. Биласиз, Ўзбекистон илк бор Бошқурув қўмитасида иштирок этмоқда. Бу мамлакатингиз учун яхши ютуқ. Ўзбекистон қудратли давлатга айланиб бормоқда. Ва мен Ўзбекистонни қўллаб-қувватлаш истагидаман.

Ўзбекистон велосипед спорти федерацияси билан халқаро алоқаларни кенгайтириш ва мустаҳкамлаш масалаларини кўриб чиқиш ҳамда муҳокама қилиш мақсадида мамлакатимизга ташриф буюрган Осиё велоспорт конфедерацияси президенти ҳамда турли вазирлик ва идоралар мутасадди раҳбарлари, спортчилар ва ҳаваскорлар иштирок этган «Tashkent – bike city» велосайли кўтаринки кайфиятда ўтди. Мазкур тадбир нафақат юртимизда велоспортни оммалаштириш, балки сайёҳлик салоҳиятини намойиш этиш учун қулай имконият бўлди.

Маълумот учун, ташриф дастуридан Ўзбекистон Республикаси Олий Мажлис Сенати раиси, Ўзбекистон велосипед спорти федерацияси раиси Танзила Норбоева, Ўзбекистон Республикаси Бош вазир ўринбосари, туризм ва спорт вазири Азиз Абдуҳакимов ва Миллий Олимпия қўмитаси раиси Рустам Шоабдураҳмонов билан учрашув ўтказиш ўрин олган.



< Вернуться к списку новостей









Uzbekistan Cycling Federation

Наш адрес:
100 035, Ташкент,Чиланзарский район, проспект Бунедкор 47

Tel/Fax:
(+998 71) 231-27-06, (+998 71) 231-27-05


Присоединяйтесь к нам:

FACEBOOK
TWITTER
INSTAGRAM
    О ФЕДЕРАЦИИ
- О федерации
- Задачи и Цели
- Руководство
- Региональные Федерации
- Партнёры

ТРЕК / ШОССЕ
- Сборная
- Календарь
- Результаты соревнований
- Континентальный велоспортивный клуб "Tashkent"

НОВОСТИ


Яндекс.Метрика
  ВЕЛОСПОРТ ДЛЯ ВСЕХ
- Советы для начинающих
- Обучающее видео
- Спортивные школы

ОФИЦИАЛЬНЫЕ ДОКУМЕНТЫ
- Положения и Постановления
- Антидопинг
- Правила велоспорта

ГАЛЕРЕЯ
- Фото
- Видео

КОНТАКТЫ




© 2013 — 2021. UZBEKISTAN CYCLING FEDERATION. Все права защищены.